રહ્યા,
રહ્યા,
1 min
7.2K
આંખ સામે જીર્ણ ગઢના કાંગરા ખરતા રહ્યા,
ને કથાનક કાંકરાંની જેમ વિસ્તરતા રહ્યા.
ખારવાની કેમ થઇ ગઇ ઝેર જેવી જિંદગી?
જ્યાં ગયો ફાટેલ સઢ સામે જ ફરફરતા રહ્યા.
ભીંતના સૌ ચીતરેલા મોરલા ઊડી ગયા,
ફક્ત લીલાછમ્મ ટહુકા ટોડલા સ્મરતા રહ્યા.
આ અવિચળપદ જુઓને કેટલું મોંઘું પડ્યું!
આજ પણ એક જ પગે જાણે કે તપ કરતા રહ્યા.
જન્મ પામ્યા જેટલા ઉન્મત્ત આ એકાંતમાં,
એ વિચારો પણ પછી ઉન્માદમાં સરતા રહ્યા.