અક્સર- કસર
અક્સર- કસર
છે માત્ર બે પગ, ને કાપવાની જોજનોની સફર;
ક્યાંક બસ બે શ્વાસો પૂરતીએ રહી જાય ના કસર!!
વરસી રહ્યો છે મેહુલો આજ, જાણે દિલ ખોલીને;
ને વિચારોનાં પૂરમાં હું થઈ ગયો તરબતર!!
કહી રહ્યા છે મિત્રો કેવા હાલચાલ આ લોકના;
બધું જાણીનેય છેવટે તો હું રહ્યો સાવ બેખબર !!
મળશે જિંદગી ઉગતી ઉષાના પહેલાં જ કિરણે આવીને;
એ જાણીને વેડફતો રહ્યો હું શ્વાસો આખી રાતભર!!
લ્યો, હવે ગણી રહ્યો છું ચંદ સિક્કાઓ, વેડફીને ખજાનો;
શું ફાયદો, હવે તો કરવી તોય કોના માટે કરકસર??
મળશે બે નજરો, ને એની નજરો જરુર હસી પડશે;
હર જનમમાં અંતિમ શ્વાસે જ અમે મળીએ છીએ પરસ્પર!!
વળી આ શું ઉગી નીકળે છે આ અજવાળામાંથી;
અંધારામાં તો દેખાતો નથી પડછાયોય આખર!!
જરૂર આવશે હર વખતની જેમ આ વખતે પણ શણગાર સજીને;
એણે કહ્યું છે, બસ વિતી જાવા દે જિંદગીની આ પાનખર!!