મા તારું લેણું ઉધાર નીકળ્યું..

મેળવી ઘણી પ્રસિદ્ધિઓ ને મેળવ્યા ઘણા કલદાર પણ.

પ્રેમાળ પત્ની ને આજ્ઞાંકિત સંતાનો.

ઘરનું ઘર ને પોતાની ઓફીસ

 

કર્યા દેશ - વિદેશના પ્રવાસો પણ,

ઘણા કર્યા દાન - ધર્માદા પણ,

 

જિંદગી સરસ ચાલી, ઘણી મજા પણ માણી

વરસોવરસ મેળવ્યા કેટલાય ક્લબોના સેક્રેટરી પદ

મેળવ્યા દિલથી ચાહતા દોસ્તો પણ 

ને જોયા પદ - પૈસો - પ્રતિષ્ઠાને નમતાં લોકો પણ.

 

વખાણે જગ મારી ઈમાનદારીને, વ્યવહાર ચોખ્ખો

ન મળે હિસાબમાં એક પૈસાની યે ભૂલ પણ,

 

આમ, જોઉં તો જીવન મારું સાંગોપાંગ ઉતર્યું...

પણ ખોલી જો કિતાબ જિંદગીની,

એક બસ 'મા' તારું લેણું ઉધાર નીકળ્યું!