"વહેંચી લઈએ "
"વહેંચી લઈએ "
1 min
7.0K
આ તારી ઘૂંટન, આ મારી ઘૂંટન,
આવ, વહેંચી લઈએ; આજે આપણી ઘૂંટન.
સરોવરની પાળે બેસીએ આપણે,
ને નીરખીયે ડૂબતા સૂરજને.
જ્યારે એ ટાણે ઉભરતા નિઃસાસાને;
આવ આજે વહેંચી લઈએ...
રેતાળ સૂકા રણમાં આપણે;
ફરીએ એકલા અટુલા જ્યારે,
એ ઉડતી ડમરીઓને,
આવ આજે વહેંચી લઈએ...
જિંદગીની પળોજણમાં પડીને આપણે;
જોઈ નાંખ્યા ઘણા તડકા છાયા જ્યારે.
એ ખુશનુમા સવારને ઉદાસ સાંજને;
આવ આજે વહેંચી લઈએ...
ચાલતા ચાલતા આવ્યાં; અંતિમ છેડે આપણે;
કંઈક નવી શરૂઆત કરવાના અભરખા છે જયારે,
લાવને પહેલા આ મૃત્યુની અમર શાંતિને;
સરખે સરખે વહેંચી લઈએ…