અધીરાઈ

તને મળવાની અધીરાઈમાં,

ખુદને દર્પણમાં જોવાનું રહી ગયું!

સજવું હતું, સવરવું હતું,

નાખવું હતું ફૂલ અંબોડે એ પણ ખરી ગયું!

ખળભળાહટ એટલો હતો મનને,

કે કરવું હતું કંઇક ને કંઇક બીજું જ થઈ ગયું!

આવ્યા છો તો બોલો આપ હવે,

પછી એમ ના કહેતા, કહેવું હતું જે એજ રહી ગયું!

જાણું છું, જૂની આદત છે મૌન બની હસવાની,

આતો તમે હવે બોલતા નથી એટલે મારાથી બોલાઈ ગયું!

તમારી તો વાત જ કંઈક અલગ હતી પ્રિય,

આ તો છબી જોઈ તમારી ને ભાવમાં થોડું સરી જવાયું!

ઈશ ને કહોને ફરી સદાને માટે મોકલી દે મારી પાસે,

ના ના રડતી નથી, આ તો આંસુ એક આમ જ આવી ગયું!

આદત નથી ને તમારા વગર એકલા રહેવાની,

બસ યાદ આવી તમારી ને હેરાન કરવા આવી જવાયું!