ન કઇ વાંક ન કઇ ગુનો

ન કઈ વાંક ન કઈ ગુનો,

થઈ શું અમારી ભૂલ ?

ચેહરા પર સ્મિત લઈ,

સરસ્વતીના ખોળે,

ખીલવા આવ્યા

શું એ વાંક ?

કઈ કેટલા સપનાઓ,

કઈ કેટલા અરમાનો,

હૈયે લઈ આવ્યા

શું એ વાંક ?

કોડભરી આંખો પૂછે છે,

શું હતી અમારી ભૂલ ?

હે ઈશ્વર જવાબ તો આપ,

શાને આમ ચૂપ છે તું.

માતા પિતા ભાઈ બહેન,

હૈયાફાટ આક્રંદ કરે છે,

કાળજાના કટકાને આમ,

પળભરમાં બોલાવી લીધા ?

શાને આટલી ઉતાવળ,

શું ભૂલ અમારી એ ઈશ્વર,

થોડું તો વિચારવું હતું,

શું વીતશે એ પરિવાર પર.

શાને આટલી તકલીફ આપી

કેવો ક્રૂર તારો આ ન્યાય

ના કઈ વાંક ન કઈ ગુનો

થઈ શું અમારી ભૂલ ?