Quotes New

Audio

Forum

Read

Contests


Write

Sign in
Wohoo!,
Dear user,
ઝળહળતી લાગે છે
ઝળહળતી લાગે છે
★★★★★

© Dilip Ghasvala

Others

1 Minutes   7.2K    1


Content Ranking

મને તો જિંદગી દુઃખમાં બહુ ઝળહળતી લાગે છે,
નિરાશાઓ બધી રસ્તા મહીં ટળવળતી લાગે છે.

નિશાના ઘોર અંધારે અને આ ભાંગતી રાતે,
હજી અવનિ ઉપર આશાની શમા બળતી લાગે છે.

સુણાવ્યું તે મને જે કાંઈ કથન એ નથી મારું.
મને એમાં બીજી કોઈ કહાણી ભળતી લાગે છે.

કલા જીવવાની જો ના આવડે તો જિંદગી આખી,
શીતળતા સુખની પણ બપોર એક બળબળતી લાગે છે.

તમે જે કાઈ જુઓ છો બધુ સાચુ નથી હોતું,
ઘણી વેળા નજર ખુદની જ ખુદને છળતી લાગે છે.

કબર ખોદી ફરી એક વાર મારી જોઈ લ્યો મિત્રો,
કે એમાં જિંદગી થોડી હજુ સળવળતી લાગે છે.

ગઝલ

Rate the content


Originality
Flow
Language
Cover design

Comments

Post

Some text some message..