આંખોથી પણ છલકાઈ શકે કવિતા

આંખોથી પણ છલકાઈ શકે કવિતા,

તેના માટે કોઈ અલગ સરનામું ન હોય..

પ્રેમ કરીને પણ થઇ શકો અમર,

તેના માટે કોઈ અલગ કારનામું ન હોય..

હૃદય ઉપર પણ લખાઈ શકે ગઝલ,

તેનાં માટે કોઈ અલગ પાનું ન હોય..

યાદોમાં પણ સંઘરી શકો તેનો સ્પર્શ,

તેનાં માટે કોઈ અલગ ખાનું ન હોય..

શ્વાસમાં પણ તમે પીરસી શકો શાયરી,

તેના માટે કોઈ અલગ ભાણું ન હોય..

પ્રેમની બેન્કમાં મૂકવો પડે વિશ્વાસ,

તેનાં માટે કોઈ અલગ નાણું ન હોય.