કસોટી જિંદગીની..
કસોટી જિંદગીની..
1 min
257
મધદરિયે છું છતાં દિશા નથી આપી શકયો,
છેતરાયેલા આ સંબંધો નથી માપી શક્યો,
ઓ પ્રભુ આ તે કસોટી કેવી તારી જિંદગી ?
છું છલોછલ લાગણીથી ને નથી વ્યાપી શકયો,
દાખલો એવો અડગતાનો છે પર્વત જેવડો,
બર્ફમાં હોવા છતાં પણ એ નથી કાંપી શક્યો,
'તું નથી' નો ભાવ, જો કેવો સતાવે છે "દિલીપ" !
માત્ર દિલ સિવાય બીજું હું નથી આપી શક્યો,
હે પ્રભુ અંતિમ સમયમાં તેં મને પરવશ કર્યો,
મુજ ચિતાને ચિનગારીઓ નથી ચાંપી શક્યો.