સંસાર છે ચાલ્યા કરે
સંસાર છે ચાલ્યા કરે
1 min
231
કોને છે દુઃખની અસર ? સંસાર છે ચાલ્યા કરે,
સુખ શોધતો હું હર ડગર, સંસાર છે ચાલ્યા કરે.
એ ઓળખે ના જેમની મહેફિલ છે જામી યાદમાં,
એ ફેરવે આજે નજર, સંસાર છે ચાલ્યા કરે.
જેના ભરોસે નાવ આ હંકારતો સાગર મહીં,
જીવન મળ્યું એના વગર, સંસાર છે ચાલ્યા કરે.
એ હર્ષ ના દીઠયો મને, જેના સહારે આશના,
ના આશ જીવું હું મગર, સંસાર છે ચાલ્યા કરે.
ના હારતો ના જીતતો મોજે હું ભદ્રા જીવતો,
બસ સાચવું મનના નગર, સંસાર છે ચાલ્યા કરે.