Quotes New

Audio

Forum

Read

Contests


Write

Sign in
Wohoo!,
Dear user,
કેટલું ફરશો ફરી ફરીને
કેટલું ફરશો ફરી ફરીને
★★★★★

© Kaleem Momin

Others

1 Minutes   12.7K    8


Content Ranking

કેટલું ફરશો ફરી ફરીને

બેબસ ઘરમાં બેસો ઠરીને

પીડાઓથી પ્રેમ કરીને

આદમ ચાલ્યા આહ ભરીને

જૂઠનું જીવન જગમાં બે પળ

સત્ય અમર છે શીશ ધરીને.

ટૂંકમાં સાંભળ કરબલ કથની

લોહીની ધારે મૌત છરીને

જન્નતમાં ના ફાવ્યું એથી

નીચે આવ્યા, ભૂલ કરીને

તીર ચલાવી ધ્રૂજે કોઈ

ઘા ઝીલે કોઈ સ્મિત કરીને

પ્રેમથી પંપાળી રાખી છે

સબ્ર નામની એક પરીને.

સુખનો કાંઠો આવશે ક્યારે ?

થાક્યો દુઃખનો દરિયો તરીને.

પાક બની જાયે પાલવમાં

આંખથી આંસુ ખરી ખરીને

ઇશ્ક વહે છે આંખથી દળ દળ

તમે થાકશો ખોબો ધરીને.

કોને મળવા જાય ખબર નય

હરિ હરિને સ્મરી સ્મરીને.

આદમ જન્નત પાછો ચાલો

બવ જીવ્યા છો મરી મરીને

સ્વર્ગમાં કોઈ રાહ જુએ છે

થોભો આવું વાત કરીને

છે જ ભરોસો અલ્લાહ પર તો

શા માટે જીવે છે ડરીને ?

આદમ પ્રેમ પીડા જન્નત ખુદા ગઝલ

Rate the content


Originality
Flow
Language
Cover design

Comments

Post

Some text some message..