આહુતિ

તમને જોયા પછી આપી'તી આહુતિ મેં તમામ અવસરોની

હવે એ જ યાદોથી ભરેલી છે આ ઝોળી મારા અરમાંનોની

એ હદ હતી મારા ઈશ્કની કે ફરમાન ખુદાનું પણ ન માનું

જુનુંનના હુકમથી કરી હતી ઈબાદત મેં તારા ફરમાનોની

ખબર પૂછવાની આ રીત સારી છે પહેલા ઝખ્મો આપીને

હવે શું કામની આ સઘળી આળપંપાળ ઝખ્મી જજ્બાતોની

મને એમ કે જે મળે તે ભેટ સમજીને સ્વીકારી લઉં સ્નેહથી

તીર છોડેલા હતા જે થકી તો હવે લેજે સંભાળ એ કમાનોની

વલણ તો મરણ પર્યંત ને બાદ પણ આ જ રહેશે "પરમ"

જમાનો પણ યાદ રાખશે શહીદી આ "પાગલ" પરવાનાની