સપનું જોઇએ

જીવવાને એક સપનું જોઈએ

એ જ સપનાં કાજ લડવું જોઈએ

હોય છે પીડા ઘણી આ પ્રેમમાં

સૌ એ એમાં તો ય પડવું જોઈએ

છો પહોંચી જાઓ ઊંચાઈ ઉપર

પણ ખુદાને રોજ નમવું જોઈએ

સુખ હજારો હોય તારી આસપાસ

આંખથી આંસું ય દડવું જોઇએ

યાદ તારી સાચવીને રાખું છું

ડૂબતાંને એક તરણું જોઈએ

વેદના સર્વત્ર છે દુનિયા મહી

તોય બાળક જેમ હસવું જોઇએ

એક સ્મિત દુઃખીને આપી તો જુઓ

આ મફતનું કામ કરવું જોઈએ

છો રહે ‘સપનાં’મહેલોમાં છતાં

એક સપનું નોખું તરવું જોઈએ

બે નયયમાં લાખ સપના ગ્યાં સજી

એક તો સાચું ય પડવું જોઇએ