બારેમાસ ચોમાસું
બારેમાસ ચોમાસું
1 min
13.7K
શું શિયાળો ? શું ઉનાળો ? આપડે બારેમાસ ચોમાસું
ટાઢ, તડકાની પિંજણ છોડી ગુલાબી ગાશું
હું અને તું સોનેરી
રૂપેરી કડલાની જોડ
ધબકતાં હૈયામાં
વાવીશું લાગણીનો છોડ
તારીમારી એક નજરથી રંગીલી દુનિયા જોશું
શું શિયાળો ? શું ઉનાળો ? આપડે બારેમાસ ચોમાસું .
લાખ કાંટા કંકરની
વાગે મારગમાં ઠેસ
કુદરતના માલિક પર
નહિ કરીએ કઈ કેસ
સુખ દુઃખના અવસર હો શું સ્મિત ? શું આંસુ ?
શું શિયાળો ? શું ઉનાળો ? આપડે બારેમાસ ચોમાસું