મળ્યા છે મને
મળ્યા છે મને
1 min
13.6K
પુષ્પવત્ કોમળ દિલને સતાવનારા મળ્યા છે મને.
ક્યાં કદી ક્યારેય મુજને સમજનારા મળ્યા છે મને ?
મારી ઉન્નતિ આંખના કણાંની જેમ ખૂંચતી હતી,
ને પછી મારી અવનતિમાં હરખનારા મળ્યા છે મને.
હતા એ અસમર્થ મારી ઊંચાઈને આંબવામાં કદી,
પડછાયા પકડીને પગને ખેંચનારા મળ્યા છે મને.
સાવ સીધું સાદું ગણિત છે મને રોકવાના પ્રપંચો,
કરી સરાહના પીઠપાછળ બોલનારા મળ્યા છે મને.
કહેવાતા એ દોસ્તોના માર્મિક ઘા રુઝાયા નથી
મુખે સારા રહીને વિષને ઓકનારા મળ્યા છે મને.