દોસ્તીની ડિમાન્ડ
દોસ્તીની ડિમાન્ડ
સૂરજ બની રોશની ભરે એવી એક કિરણ મને જોઈએ છે,
ચાંદની બની અંધકાર ચીરે એવી ચમક મને જોઈએ છે,
હું યાદ કરું ને એ વાદળ બની વરસે એવી બુંદ મને જોઈએ છે,
રક્તના એ લાલ રંગની જંજીર નથી અમારે હૈયે,
મને તો મિત્રતાના એ દરેકે-દરેક રંગ જોઈએ છે,
સમય-સંજોગ બની પ્રેમથી ગોઠવાઈ જાય ને એવી એક સાંકળ મને જોઈએ છે,
કૃષ્ણ-સુદામાની જોડ સમી એક જોડ મને જોઈએ છે,
ટોમ એન્ડ જૅરી જેવી એક જોડી પણ મને જોઈએ છે,
પ્રેમથી અપશબ્દો બોલીને પણ સતાવે ને એવી વાણી મને જોઈએ છે,
સંબંધ એ નથી કોઈ કાયદેસર છતાં મને એની મોહર જોઈએ છે,
નિઃશબ્દ બની, નીરખ્યા વિના, ખામોશીમાં થતી એ સુખ-દુઃખની વાતો મને જોઈએ છે,
સંબંધોની આ હારમાળામાં 'મિત્રતા'નું એક અનોખું, નાનું અને અજોડ 'મોતી' મને જોઈએ છે.