તમે

કોલ મારો બ્લેક લિસ્ટ મહીં હવે નાંખો તમે,

લાગણીનાં પીંડને ક્રોપ ન કરો આખો તમે !

વેનથી છે તાર હૈયાનાં સહું જોડાયલા,

સાવ ખોટા અભરખા કાં લેનના રાખો તમે ?

વ્હોટ્સએપ્યા સાચવો સંબંધ તોયે છે ઘણું,

ફેસબુક પર કાં કરો સંબંધને ઝાંખો તમે.

પ્રેમનાં સેટીંગ્સમાં તો છે બિટર સઘળું બિટર,

તોય કાં ટ્વીટર ઉપર બેટર બધું હાંકો તમે ?

ચાઈના મોબાઈલેથી પ્રેમ રણકે આપણો,

રીંગટોને 'જાન તેરે નામ' કાં રાખો તમે ?

સોફ્ટવેરે વળગવા દો "સ્પર્શ"ના સૌ વાયરસ,

હરવખત અપડેટ વર્જન ટેરવે રાખો તમે !