Quotes New

Audio

Forum

Read

Contests


Write

Sign in
Wohoo!,
Dear user,
અમુક વાતો હ્રુદયની બા’ર હું લા
અમુક વાતો હ્રુદયની બા’ર હું લા
★★★★★

© AMRUT GHAYAL

Classics

1 Minutes   51    3


Content Ranking

અમુક વાતો હ્રુદયની બા’ર હું લાવી નથી શકતો,

કઈં અશ્રુઓ એવા છે કે ટપકાવી નથી શકતો.

કોઇને રાવ કે ફરિયાદ સંભળાવી નથી શકતો,

પડી છે બેડીયો એવી કે ખખડાવી નથી શકતો.

કળી ઉરની હું વિકસાવી કે કરમાવી નથી શકતો,

જીવન પામી નથી શકતો, મરણ લાવી નથી શકતો.

કોઈપણ દ્રુશ્યથી દિલને હું બેહલાવી નથી શકતો,

હજારો રંગ છે પણ રંગમાં આવી નથી શકતો.

ન જાણે સાનમાં શી વાત સમજાવી ગયુ કોઈ,

હું સમજુ છું છતા શબ્દોમાં સમજાવી નથી શકતો.

ન રડવાની કસમ ઉપર કસમ એ જાય છે આપ્યે,

ઊમટતા જાય છે અશ્રુ, હું અટકાવી નથી શકતો.

નિરંતર પાય છે કોઈ, નિરંતર પિઉં છું મદિરા,

પરંતુ જામ સાથે જામ ટકરાવી નથી શકતો.

નથી સમજાતુ આ છે મનની નિર્બલતા કે પરવશતા,

કદી પિધા વિના હું રંગમાં આવી નથી શકતો.

મુસીબત માંહે ખુદ્દારી મુસીબતની મુસીબત છે,

દુઆઓ હોઠ પર છે, હાથ લંબાવી નથી શકતો.

જીવન હો કે મરણ હો, કોઇ હો, એને કહી દે દિલ

કે “ઘાયલ” પી રહ્યો છે જાવ – એ આવી નથી શકતો.

'ઘાયલ' મજબુરી વિવશતા પરવશતા ગઝલ

Rate the content


Originality
Flow
Language
Cover design

Comments

Post

Some text some message..