રોગ પ્રણયનો લઈ એ આવ્યા પાસે મારી
રોગ પ્રણયનો લઈ એ આવ્યા પાસે મારી
બેમોત મરે એવા અરમાન કરી બેઠા.
દાટી મડદા હૈયૈ સમશાન કરી બેઠા.
રોગ પ્રણયનો લઈ એ આવ્યા પાસે મારી,
ઉપચાર નહોતો તોય નિદાન કરી બેઠા.
ઝગડો વર્ષો જુનો છે આ ઈચ્છાઓનો;
મન મારીને આજ સમાધાન કરી બેઠા.
આવ્યા મારા હિસ્સે સંબંધો સાચવવા,
માટે કડવા ઘુંટના વિષપાન કરી બેઠા.
આતૂર હતા દર્દો રમવા સર્જક સાથે,
હૈયામાં જ પહોળું મેદાન કરી બેઠા.