આવ, પગલાં પાડીએ!
આવ, પગલાં પાડીએ!
સાવ સૂની શેરીઓમાં આવ, પગલાં પાડીએ!
હાથમાં લઈ હાથ'ને બસ પ્રેમથી પંપાળીએ!
એક - બે કોશોમાં વસતાં કેટલાં નગરો અહીં,
વ્હાલને વાદળ ગણીને આભ લગ વિસ્તારીએ!
આંગણામાં એક નાનો છોડવો ઊગ્યો ભલે,
એ સુગંધી છોડવાને હુંફથી સંવારીએ!
દંભના બુરખાઓ પહેરી આ રમકડાં કૂદતાં,
પ્રેમ - કરુણા જ્યોતથી એમને અજવાળીએ!
જુઠના ઢગલા પડ્યા છે ચોક - ચૌટે - શેરીએ,
એ જ ઢગલામાંથી સાચા હિરલા સંભાળીએ!
રાત પડતાં ચાંદની અજવાળતી હર પંથને,
ચંદ્રમાની આ ધવલ જ્યોતે જીવન શણગારીએ!
જિંદગીના આ બગીચે કેટલાં ફૂલો ખીલ્યાં,
નામ રાધે - કૃષ્ણનું મનમાં હૃદયમાં રાખીએ!