મૌનની વાચા

અખબારના અંતિમ પાને મારી તસવીર શોધું છું;

એ કેવું કે થંભેલા શ્વાસોમાં જીવનને શોધું છું!!

વહેલી રક્ત ધારાઓ આ ધબકતા શરીરમાં;

સ્પંદતી લાગણીઓના મર્માળુ અર્થને શોધું છું!!

ખીલેલા ચહેરાઓને સમર્પિત કરમાયેલા ફૂલ;

ઉજડેલા બાગમાં, મહેકતું નંદનવન શોધું છું!!

શબ્દની મોઘમતાને પીછાણે છે મૌન;

મૌનની એ વાચાઓના સાચા શબ્દ શોધું છું!!

આંસુઓની ક્ષણિકતા, મમત્વનો ઉભરો;

ધુમ્રસેરોથી બંધાતું નવું જગત શોધું છું!!