ફણગી ગ્યો છું
ફણગી ગ્યો છું
1 min
139
કોઇ કહે છે બદલી ગ્યો છું, કોઇ કહે છે બગડી ગ્યો છું;
મારામાં અંકુરો ફૂટ્યા શબ્દોનાં, હું ફણગી ગ્યો છું.
ઝાડી, ઝાંખર, કંકર, કંટક વચ્ચે મક્કમ પગલે ચાલ્યો,
છેક શિખરની ટોચે પહોંચી જઈને પાછો ગબડી ગ્યો છું.
એ વરસાદી સાંજે તું આવી, અડકીને ચાલી ગઈ,
એ પછી હું ભર ચોમાસે આખેઆખો સળગી ગ્યો છું.
મૌન જ રહેજે નહિંતર પાછા ઉડી જાવું પડશે મારે,
તારે કાંધે હું જ હવે વેતાળ બનીને વળગી ગ્યો છું.
એ જ કારણે હર હાલતમાં મનભર હુું તો 'મોજ' કરું છું;
તારી વ્હાલપ કરવાની આ રીત, પ્રભુ! હું સમજી ગ્યો છું.