Quotes New

Audio

Forum

Read

Contests


Write

Sign in
Wohoo!,
Dear user,
મરણને જાળવજો
મરણને જાળવજો
★★★★★

© Hanif Sahil

Classics Inspirational Tragedy

1 Minutes   13.5K    4


Content Ranking

આદ્ર આ એક ક્ષણને જાળવજો,

એના ભીના સ્મરણને જાળવજો.

રાત વીતે ભલે અજંપામાં,

એના પ્રાત:સ્મરણને જાળવજો.

બંધ ના થાય શ્વાસની આ ગતિ,

આ હવાના હરણને જાળવજો.

ખૂંપી જાઓ ના વિચારોમાં ક્યહીં

એ અતીતના કળણને જાળવજો.

કોઈ ભટકે હજી તૃષા લઈને,

પત્થરોમાં ઝરણને જાળવજો.

સર્વ શંકા કુશંકા છોડીને,

એના સ્પષ્ટીકરણને જાળવજો.

આમ ઓઝલ રહો ને આમ સમક્ષ,

રેશમી આવરણને જાળવજો.

જે તમારી વ્યથા પ્રમાણે ‘હનીફ’,

એ સમજદાર જણને જાળવજો.

જેમ જીવ્યા છો ખુમારીમાં ‘હનીફ’,

એમ ઝળહળ મરણને જાળવજો.

અજંપો ખુમારી સ્મરણ મરણ હનિફ ગઝલ

Rate the content


Originality
Flow
Language
Cover design

Comments

Post

Some text some message..