લાગણીઘેલી સ્ત્રી

લાગણીના આઘોષમાં લપટાયેલી

ચાળીસીનો ઉંબર ઓળંગી ચૂકેલી

સ્ત્રીથી...

અચાનક બોલી પડાયું-

હોર્મોન્સ ઈમ્બેલેન્સ થવા માંડયા છે,

થાક લાગે છે,

કંઈક ચેઇન્જની ઈચ્છા થાય છે.

તરત જ ...

એને ઘરમાંથી જવાબ મળ્યો –

હવે,

તું કામ કરી શકે એમ નથી.

તારે સમજીને ઘરમાંથી ‘રેઝીગ્નેશન’ આપી દેવું જોઈએ.”

લાગણીઘેલી સ્ત્રીને ત્યારે જ જાણ થઈ

તે પોતાના ઘરમાં ‘નોકરી’ કરે છે.

સપ્તપદીનાં ફેરામાં-

વી.આર.એસ.નું કોઈ કમિટમેન્ટ કર્યું જ નથી.

તો

હવે???