કરી ગયો
કરી ગયો
આ જિંદગીની પરીક્ષામાં કાચો પડી ગયો;
સાચો ગણેલ દાખલો પણ ખોટો પડી ગયો.
દુશ્મન જ આવીને બચાવ કરી ગયો;
ને મિત્ર જ પીઠ પાછળ વાર કરી ગયો.
ઘૂઘવતો મહાસાગર પણ સ્થિર થઈ ગયો;
જ્યારે જીવતો ડૂબીને ને મરેલો તરીને કિનારે ગયો.
ઉપરવાળો પણ આપણને બનાવીને હેરાન થઈ ગયો;
એટલેજ પાછળથી આવી એક્સપાયરી ડેટ લખી ગયો.
જિંદગીભર પથ્થર દુઃખ ભેગું કરતો રહ્યો;
એટલેજ એક દિવસ કોતરાયને ભગવાન બની ગયો.
હું પણ આખી જિંદગી મૂર્ખાઈ કરતો રહ્યો;
અંધારું હૃદયમાં હતું ને મંદિરમાં દીવો કરતો રહ્યો.
હરિ ગયો હોવા છતાં પ્રભુને ખુશ કરી ગયો;
બોલાવ્યા વગરજ એની પાસે પહોંચી ગયો.
જિંદગીમાં એક પ્રશ્ન એવો પૂછાઈ ગયો,
કે જેને માટે 'મુસાફિર' કુરબાન થઈ ગયો.