કવિતા લખાય છે.

વાગેલા ઘાને આમ કાગળ પર મૂકાય છે ?

ઘણના ઘા પડે તઈ કવિતા લખાય છે,

તરુવર અમથે અમથા સુકાય છે ?

કાળજા કપાય તઈ કવિતા લખાય છે,

તારલીયા ખોટે ખોટા મુંજાય છે ?

અમાસે એકલા પડે તઈ કવિતા લખાય છે,

કમાડ ઘરના શા હાટુ પસ્તાય છે ?

વિદાય કાયમી થાય તઈ કવિતા લખાય છે,

ગામ, ગલી, રસ્તા કેમ સૂના દેખાય છે ?

ખોટ કંઈક વર્તાય તઈ કવિતા લખાય છે.

બોલકણો 'હું',તો કેમ મૂંગું થઈ જવાય છે ?

કંઈક ઊંડે ઊંડે ચર્ચાય તઈ કવિતા લખાય છે.