દંપતી
દંપતી
જિંદગી મા, કઇ કેટલાય ની સંગત હોય છે,
ઘણા સંબંધો, પરંપરાગત હોય છે,
જિંદગીમાં, બધા સંબંધો નથી બની શકતા પોતીકા,
પતિ-પત્નીના સંબંધો, સહુ થી “અંગત” હોય છે,
જીવન આપ્યું છે કુદરતે, ખુશીઓ માણવા
પતિ-પત્ની હોય સાથ, ત્યાં સુધી રંગત હોય છે,
જિંદગી છે તો, સમસ્યાઓ તો રહેવાની જ,
પતિ-પત્નીની જોડ, રસ્તા કાઢવામાં પારંગત હોય છે,
ઉંમરની એરણે જ્યારે પણ ચઢે છે બધા સંબંધો,
આખરે તો આપણે બે જ, એ જ ‘ગત’ હોય છે,
કંઇક સંબંધો તૂટે છે, કંઇક સંબધો છૂટે છે,
પતિ-પત્નીના સંબંધો જ શાશ્ર્વત હોય છે.