રણક્યા ઝાંઝર મારા
રણક્યા ઝાંઝર મારા
સરોવરનાં નીર હેલે ચઢ્યાં ને,
હેલે ચઢી તમારી યાદ,
ઝરમર ઝરમર ઝીલ્યા મેહુલાને,
મનમાં ટહુક્યા તમારા સાદ,
સાજન મારા, આજ હેલે ચઢી તમારી યાદ.
કલબલ કલબલ શોરમાં ઝૂલ્યા અમે,
લઈ દીલડામાં વાસંતી ફાગ,
રણક્યા તાલે મધુરા ઝાંઝર ને,
ઉરે છેડ્યા બંસરીના વ્હાલ,
સાજન મારા, આજ હેલે ચઢી તમારી યાદ,
ચાંદલીયાના પાલવડે શરમાયા તારલીયા,
ને તનમનમાં તરવરીયા તોફાન,
સજી શણગાર હું ઝાંખું ઝરુખડે,
રણક્યા ઝાંઝર મારા ચાર્ દ્વાર,
કે સાજન મારા, આજ હેલે ચઢી તમારી યાદ,
રંગીલી રંગોળીથી શોભે આંગણીયાં ને,
મલકે મુખલડે મધુરી આશ,
ગાશું રે ગીત ઝાંઝરીયા તાલે ને,
આભલે ઉડાડશું આજ ઉજાશ,
કે સાજન મારા,આજ હેલે ચઢી તમારી યાદ.