તડકો

સૂની સૂની લાગણીઓને કોઈ તો આવી અડકો!
તારે ફળિયે શીતળ છાંયો, મારે ફળિયે તડકો

તારી આંખો મીઠું ઝરણું, મારી આંખો તરણું,
તારે ફળિયે પવન ફૂંકાયો, મારે ફળિયે તડકો

તારા સપના ટમટમ તારા, મારા સપના કાજળ,
તારે ફળિયે મેહુલ આયો, મારે ફળિયે તડકો

તારે આંગણ મઘમઘતુ વન,મારે રસ્તે પથ્થર,
તારે ફળિયે ઘેઘૂર વડલો, મારે ફળિયે તડકો

તારું સઘળું...ઉજ્વળ ઉજ્વળ,મારે ઘોર અંધારું,
તારે ફળિયે હરખ છવાયો, મારે ફળિયે તડકો