ડગલાં તું ભરજે.
ડગલાં તું ભરજે.
લઈને સત્યનો આશ્રય ડગલાં તું ભરજે.
એમાં જ રહેલું છે શ્રેય ડગલાં તું ભરજે.
નાના મોટાંની આ જગજંજાળમાં રહેવું,
રાખવું સમાનતાનું ધ્યેય ડગલાં તું ભરજે.
નથી કોઈ તારા મિત્ર કે શત્રુ આ જગતમાં,
ના કરીશ સમયનો વ્યય ડગલાં તું ભરજે.
બેસી રહેવું ન પરવડે પ્રારબ્ધના ભરોસે,
હોવો ઘટે કર્મનો આશય ડગલાં તું ભરજે.
ઇશ્વર છે સંગાથી તારો બનીને હમરાહી,
ચોક્કસ વરીશ તું વિજય ડગલાં તું ભરજે.