એકમેકમાં વસીએ
એકમેકમાં વસીએ
ખોટું નહીં પણ સાચેસાચું એકમેકમાં વસીએ
દૂર છતાંયે નજીક જેવા કોમળ દિલમાં હસીએ
આંખ અને આ કાન લઈને ભીંતો જગમાં ફરતી
'તું' ને 'હું' નો ભેદ ભૂલીને એક જ શ્વાસે શ્વસીએ
વટે મારગુ જગ આખું છે આવનજાવન રહેશે ,
એક લક્ષ ને એક જ રસ્તો એ રસ્તા પર ધસીએ
રસ્તે રસ્તે લોકો સઘળા કપટ કરીને પૂછે ,
મોટપની આ બખોલમાંથી ચાલો આપણ ખસીએ
રૂડા લોકો રૂડો મંડપ રૂડી જાદુનગરી
હરિ તમારો હાથ ઝાલતાં ખુદમાં આવી વસીએ