શરૂ કરે,
શરૂ કરે,
1 min
14.2K
આવી ઝરૂખે ઝૂલ્ફની છાલક શરૂ કરે,
બસ એ રીતે એ સાલમુબારક શરૂ કરે!
મારી ગઝલની ટ્રેન તો પૂરપાટ દોડશે,
ફાવે નહી જો કોઈને ફાટક શરૂ કરે!
એ રીતે તમને વાંચવાનું હું કરું શરૂ,
જે રીતે ગમતાં પુસ્તકો વાંચક શરૂ કરે.
એ વિશ્વના રૂદન મહી છે શ્રેષ્ઠતમ રૂદન,
ધાર્યું ન થાય ને પછી બાળક શરૂ કરે.
પરદા વગર, કથા વગર, કે થિએટર વગર,
માણસ છે, વાત-વાતમાં નાટક શરૂ કરે.
'નિનાદ', આ ગઝલ થકી ઘર ચાલશે નહિ,
સમજાવો જાતને બીજી આવક શરૂ કરે.