અઢળક

તું ધીર છે, ગંભીર છે; તારી જળરાશી અપાર છે

તું આપે તો અઢળક દે, તું વિફરે તો વિનાશ કરે

 

તું વિરાટ છે, અગાધ છે; તારું સામ્રાજ્ય છવાયું છે

તું આપે તો અઢળક દે, તું વિફરે તો વિનાશ કરે

 

તું સુંદર છે, અનુપમ છે; તારી ધડકન સુહાની છે

તું આપે તો અઢળક દે, તું વિફરે તો વિનાશ કરે                                                     

 

તું વ્યાપક છે, તું ખારો છે; જળચરોનો પાલક છે

તું આપે તો અઢળક દે, તું વિફરે તો વિનાશ કરે

 

તારા સાંનિધ્યમાં ઉછરી છું, પગ મેં પલાળ્યા છે

તું પ્યારો છે, ન્યારો છે; મારા ચિત્તનો હરનારો છે