ચાહત બે બુંદની

સદીથી તરસ્યા મનને,

ચાહત બે બુંદની,

ને, ઝરણું શોધવા નીકળી,

ખળખળતા ઝરણાંની શોધમાં,

જોડીયા કોતરમાં આજ,

ભીનાશ સ્પર્શી,

કોરા ધાકોર ચોમાસા પછી

આ વરસાદે હાઉકી કરી,

ના, આતો માવઠું,

બાંધેલા બંધ તોડી,

ધમધમાટ આવ્યું ધસી,

આડા દીધા હાથ,

પણ, એને ના રોકી શકી,

વહાવી ગયું એ બધું સાથ..

ને, અંતરના ઓરડે 

એક દીપ બુઝાયો,

ત્યાં

ચરરર કરતી લાગણી ચીરી,

અરે, હનુમાન નથી,

કેમ બતાવું હૈયું ચીરી,

સમયના વહેણે લીધો પલટો,

 ને, આ નૈયા મધદરિયે ડૂબી.

હરિ સાવ આવું ?

આમ અધવચાળે રેઢી મેલી.