કોઈ પોતીકું મળે...

દેખાવ કરવા ઘણાં મળે,

ને મળવા ખાતર મળે;

ખોટાં જૂઠ્ઠાં વ્હાલપનાં

મીઠા શબ્દો છળે.

 

ફરિયાદ કયાં જઈને કરું?

વાડ ચીભડાં ગળે;

પોતાનાં જાણ્યાં'તાં એ સૌ

સમય જોઈને વળે.

 

સત્ય તો ભરબજારે ઊભું

જૂઠ બધે ઝળહળે;

ઓટ આવતા કોરા કાંઠા,

કંકર બધે ખળભળે.

 

યાદ નથી કે કોણે દીધા

ઘાવ, ના કળ વળે;

મિલન કાજે થાય સવાલ

કેમે કરી દર્દ ટળે?

 

રૂપમાં આજ મોહી ગયા,

શ્યામ વર્ણને સૌ હળે;

દિલની પુકારે ચૂપી છવાઇ,

પ્રીતની હેલી ટળવળે!