Quotes New

Audio

Forum

Read

Contests


Write

Sign in
Wohoo!,
Dear user,
મજા આવે,
મજા આવે,
★★★★★

© Ninad Adhyaru

Others

1 Minutes   14.3K    2


Content Ranking

કપાયેલી પતંગોને પકડવાની મજા આવે,
અચાનક એજ રીતે તમને મળવાની મજા આવે!

તમે જો હોવ સાથે તો કશા કારણ વગર પણ બસ,
કોઈ વેરાન સડકો પર રખડવાની મજા આવે.

તમે ના હો, પડે વરસાદ, એ વરસાદ થોડો છે!
તમે ના હો તો અમને શું પલળવાની મજા આવે?

તમારે જિંદગાનીમાં જો આગળ ખૂબ વધવું હો,
તો કરવાં એજ કામોને, જે કરવાની મજા આવે.

'નિનાદ' બસ સાવ છેલ્લાં શ્વાસ હો ને એ જો સામે હો,
તો એને જોઈ-જોઇને શું મરવાની મજા આવે!

વરસાદ જિંદગી પલળવું

Rate the content


Originality
Flow
Language
Cover design

Comments

Post

Some text some message..