રસ્તા જુના છે
રસ્તા જુના છે
1 min
13.6K
જીવન સફરમાં પલપલ બદલાતા...
લાગે નવા પણ આ રસ્તા જુના જ છે !
ઘડીક સુમસામ , ઘડીક ભરચક...
રડાવતા ,હસાવતા આ રસ્તા જુના જ છે!
ઘડીક બાગ...ને ઘડીક આગ...
જાતને ઝંપલાવવાના આ રસ્તા જુના જ છે !
ગઝલ કહો, ગીત કહો કે કહો શાયરી...
દિલ બહેલાવવાના આ રસ્તા જુના જ છે !
નથી આસાન... આમ ભૂલવું દર્દ ને...
યાદો પંપાળવાના આ રસ્તા જુના જ છે !
પ્યાર નાસૂર બની ફેલાઈ અંગે અંગે...
હાડને ગાળવાના આ રસ્તા જુના જ છે !
લૈલા-મજનુ કે રોમિયો-જૂલિયેટ...
પ્યારમાં ફના થવાના આ રસ્તા જુના જ છે !