મનની ગતિ
મનની ગતિ
જે નથી મળવાનું તે પામવાને ઝંખતું આડવીતરું મન.
ખબરખાતરી છતાંયે અવિરત મથતું આડવીતરું મન.
પવન કરતાંયે પહેલાં જવા હરિફાઈમાં એ ઉતરનારું,
સ્થળ કે સંજોગોને કદી ન સમજતું આડવીતરું મન.
મન્મથ ગતિ કે મર્કટગતિ ઉપમા મને લઘુ લાગનારી,
પોતે હરાતુંને વળી અન્યને રે હરતું આડવીતરું મન.
કલ્પનાના જોરે સપ્તરંગી દુનિયાને એ સજાવનારું,
વાસ્તવિકતાથી કેટકેટલું દૂર રહેતું આડવીતરું મન.
લાખ યત્ને પણ એ ના સમજે કે હાર કબૂલનારું ,
મૃગજળથી તૃષા છિપાવવા દોડતું આડવીતરું મન.