Library
પ્રીતનું વાવેતર
પ્રીતનું વાવેતર
1 min
642
કરી છે રોપણી મેં તારી પ્રિતની દિલના ખેતરમાં,
તું જો પ્રેમની વાદળી બની વરસે તો કેવું !
કરી દે તરબોળ તું અઢળક હેત વરસાવી,
આ ખેતરે લહેરાશે મબલખ પાક તો કેવું !
ગેરસમજનું નિંદણ સમજણથી કાઢશું !
વિશ્વાસ તણું ખાતર એમાં પુરશું તો કેવું !
મળશે ઊંચાઈ આપણાં સંબંધના તરૂને !
પ્રણયનો પાક સંગ મળી લણશું તો કેવું !
નથી વાત નફાની, છે તો બસ આ પ્રેમની,
વાવેતર આ જનમનું હર જન્મે ફળે તો કેવું !
