કોઈ ન કરે એવું કંઈક કરવું છે
કોઈ ન કરે એવું કંઈક કરવું છે
1 min
208
આજે કોઈ જ ન કરે એવું કંઇક કરવું છે,
પછી અંતરના અગોચરે હરવું ફરવું છે !
વહેતી નદી સંગ વહેતો ભલે જમાનો આ,
મારે તો સામા પ્રવાહે જ પ્રેમથી તરવું છે !
ન ખપે સાતત્ય સૂરજ અને ચંદ્રનું રોજ રોજ,
મારે તો સિતારાની જેમ ચમકીને ખરવું છે !
નથી કોઈને પણ ચુભવું કાંટાઓની જેમ મારે,
પ્રિતના પુષ્પનો પમરાટ બનીને ખરવું છે !
શું કરું એક બંધિયાર સરોવર થઈને હું ?
મહોબ્બતનું મુક્ત ઝરણ થઈને પડવું છે !
"પરમ" જીવન સાર્થક કરવા સ્નેહથી હવે,
"પાગલ" થઈને કોઈકની પાછળ મરવું છે !