મોબાઈલ લવ

તને ઓનલાઈન જોઈને જ મારું મન હરખાય,

પછી કયાં તારી સાથે વાત કરવાની જરુર છે ?

તારી ડી.પી. જોઈને જ મારું મુખડુ મલકાય,

પછી કયાં તારી સામે આવવાની વાત છે ?

તારા ઈમોજીસથી તારા દિલના હાલ વંચાય,

પછી કયાં તને પત્ર લખવાની વાત છે ?

તને વિડિઓકોલ કરું ને તું દેખાય

પછી કયાં તને મળવાની વાત છે ?

ઊઠીને પહેલા મોબાઈલ નારાયણની પૂજા થાય,

બીજા દેવોને પછી કયાં રીઝવવાની વાત છે ?

પ્રેમીઓના લવગુરુ બની વહારે થાય,

પછી પ્રેમીઓને કયાં છુપાઈને મળવાની વાત છે ?