ખોલું હૃદય મારુ હવે

કૂંચી હૃદયની આપ તો ખોલું હૃદય મારુ હવે.

તું લાગણીઓ માપ તો ખોલું હૃદય મારુ હવે.

સામું જગત આવે પછી દિલ લૂંટવા મારા કને,

લેવાં ઝડપથી ધાપ તો ખોલું હૃદય મારુ હવે.

તારા વિચારો મેં ભર્યા છે એટલા સાટે કહું,

ખૂણાં બધેથી ચાપ તો ખોલું હૃદય મારુ હવે.

મુખ પર ધરી લે નામ મારુ તું દિવસ 'ને રાત બસ,

મારાં જપી લે જાપ તો ખોલું હૃદય મારુ હવે.

તારા હૃદયમાં પણ છવાશે ખ્યાલ મારા ચોતરફ,

જો આ ગઝલમાં છાપ તો ખોલું હૃદય મારુ હવે.

ફૂંકે શિયાળો ભૂર કેવો, ભર નજરને ભાપથી,

આલિંગને જો તાપ તો ખોલું હૃદય મારુ હવે.

આ જિંદગીને તો "ખુશી" આવી મળે છે રાહમાં,

રસ્તો કદી તું કાપ તો ખોલું હૃદય મારુ હવે.