भोजपुरी कविता (खोईंछा)

खोईंछा भर चाउर में माई

हरदी के गाँठ संघे

का का दिहलु,

रुपिया त देखात

संघे अचरा भर आशिष है

संघे मनभर निहोरा है

संघे नून जइसनआँसू है

संघे खाँची भर के सबर है

गाँठ अइसन जईसे माई के

मन के थाह बांध दिहलु

ए माई प हेतना बरस भईल तबो

उहे दिहलु जॉन पहिलखा

बेर देहले रहलू

याद क लिहिनी माई

घर उ ना

ई ह हमार

तब्बो खोईचा खिंचे ल

मन आजो एइजा

ए संघे रहे लू आजो

जईसे अचरा के कोन

में बन्धल खोईंछा