भोजपुरी देवी गीत (पचरा)-२,मईया

भोजपुरी देवी गीत (पचरा) - २, मईया कहवा भुलइलू ना

कहवा भुलइलू मईया,

केवन डरिया निमिया छईया|

जोहे तोहके तोर बलकवा,

मईया कहवा भुलइलू ना|

गईया के गोबरा से दुअरा लिपवली|

सोने के असनवा माई तोहरे सजवली|

लह-लह लहके लाल अड़हुल फुलवा,

मईया कहवा भुलइलू ना|

नरियल सुपरिया माई तोहके चढ़इबो|

गईया के घियवा धूप कपूरवा जरइबो|

लाली चुनरिया चमके सुनर रूपवा|

मईया कहवा भुलइलू ना|

शेरवा सवार आवा माई ललकार आवा|

दरसन प्यासल अँखिया देवे दरसन आवा|

होला जय जय कार माई तोर मंदिरवा|

मईया कहवा भुलइलू ना|

देबू दरसनवा माई मोर मनसा पूराई|

दूर होइहे दुख, सुख जिनगी में आई|

तरसे देखे खातिर माई तोर चरणनवा|

मईया कहवा भुलइलू ना|