Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Lipi Sahoo

Classics

4.1  

Lipi Sahoo

Classics

ସାରାଂଶ

ସାରାଂଶ

1 min
180


ଅଫିସରେ ବସିଛି ହଠାତ୍ ଗୋଟେ ଟେଲିଗ୍ରାମ୍ ଆସି ପହଞ୍ଚିଲା । ଗ୍ରାଣ୍ଡପା ସିରିୟେସ୍ କମ୍ ସୁନ୍ । ଆପ୍ଲିକେସନ ଗୋଟେ ପକେଇ ଦେଇ ଅଫିସରୁ ବାହାରି ଆସି ଗାଁ ମୁହାଁ ହେଲି । ଦୀର୍ଘ ଦେଢଶ କିଲୋମିଟର ବସରେ ଆସିବା ପରେ ଗାଁରେ ପହଞ୍ଚିଲି । 


         ଘରେ ଆସି ଦେଖେ ଜେଜେ ଖଟ ଉପରେ ଶୋଇଛନ୍ତି । ହାତ ଗୋଡ଼ ଶୁଖି କଣ୍ଟା । ଜେଜେମା ତାଙ୍କ କାନ ପାଖରେ କହିଲା ଅରୁ ଆସିଲାଣି । ଦୁଇ ଦିନ ହେବ ଆଖି ଖୋଲୁ ନଥିବା ଜେଜେ ଧୀରେ ଆଖି ଖୋଲି ମୋତେ ଚାହିଁଲେ । ସମସ୍ତେ ଆଶ୍ଚର୍ଯ୍ୟ ହେଲେ । ସବୁ ଫୁସୁର ଫାସର ହେଲେ, ଅରୁ ତାଙ୍କ ଜୀବନ, ତାକୁ ହିଁ ଅପେକ୍ଷା କରିଥିଲେ । ନ ହେଲେ ଦେଖୁନ କେମିତି ସେ ଆସୁ ଆସୁ ଆଖି ଖୋଲି ଚାହିଁଲେ । ଜେଜେଙ୍କ ଓଠ କୋଣରେ ସୂକ୍ଷ୍ମ ହସର ରେଖା ଦେଖାଗଲା । ମୁଁ ଧାଇଁ ଯାଇ ତାଙ୍କ ହାତକୁ ଧରି ପକେଇଲି । ଆଖି କୋଣରୁ ବୋହି ଆସିଲା ଲୁହର ଗୋଟେ ଧାର ।

         କାହିଁକି କେଜାଣି ଏମିତି ସମୟରେ ମୋ ମନ ଭିତରେ ଆସିଲା ଗୋଟେ ପ୍ରଶ୍ନ ପଚାରି ଦେଲି । ଜେଜେ !! ଜୀବନର ସାରାଂଶ ତମ ପାଇଁ କ'ଣ ??? ମୋ ପାପୁଲି ଭିତରୁ ହାତଟି କାଢି ଆଗ ମୁଠା କଲେ ପୁଣି ଖୋଲି ଦେଲେ । ତା ପରେ ତ ସବୁ ଶେଷ ...... । ଶରୀର ନିଶ୍ଚଳ । 


        ଏବେ ମୋତେ ଏକାଅଶି ବର୍ଷ ହେଲାଣି । ମୁଁ ଅରୁଣ ମହାପାତ୍ର , ସେବେଠାରୁ ଜେଜେଙ୍କ ଉତ୍ତରର ତର୍ଜମା କରି ଚାଲିଛି । ନିଜକୁ ଉନ୍ମୁକ୍ତ କରିବା ନା ନିଜକୁ ବିକଶିତ କରିବା ନା ସମୟକୁ ନିଜ ମୁଠା ଭିତରେ ବାନ୍ଧି ରଖିବାର ଅପଚେଷ୍ଟା ନ କରିବା ନା ନିଜକୁ ନିଃସ୍ୱ କରିଦେବା । କ'ଣ ହେଇ ପାରେ ସେ ଉତ୍ତର ?? ପ୍ରିୟ ପାଠକଗଣ !! ଆପଣଙ୍କ ମତରେ କ'ଣ ହେଇପାରେ ଜୀବନର ସାରାଂଶ......???? ଆଜି ବି ମୁଁ ଖୋଜୁଛି ......।



Rate this content
Log in

More oriya story from Lipi Sahoo

Similar oriya story from Classics