Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Lipi Sahoo

Drama

4.5  

Lipi Sahoo

Drama

ଲେସବୋ

ଲେସବୋ

6 mins
253


ସକାଳୁ ଝଞ୍ଜା ସହ ମାଁ ଙ୍କର ତିନି ରାଉଣ୍ଡ କଳି ହେଇ ସାରିଲାଣି ମାଁ ଙ୍କର ଏକା ଜିଦ୍ ସେ ନୂଆ ନାଲି ଡ୍ରେସ୍ ଟା ପିନ୍ଧି କଲେଜ ଯିବ । ଆଜି ତା'ର ଇଂଜିନିୟରିଂ କଲେଜରେ ପ୍ରଥମ ଦିନ । ହେଲେ ଝଞ୍ଜା ର ଇଚ୍ଛା ସେ ପାଉଁଶିଆ ରଙ୍ଗର ଡ୍ରେସ୍ ଟା ପିନ୍ଧି କି ଯିବ । ମାଁ ବୁଝୁ ପାରୁନି ଏମିତି ଗାଢ଼ ରଙ୍ଗର ଡ୍ରେସ୍ ପିନ୍ଧି କି ଗଲେ ସିନିୟର୍ ମାନଙ୍କ ଆଖିରେ ନିଶ୍ଚୟ ପଡ଼ିବ । ଆଉ ରାଗିଂ ହେବା ଟା ସାର ହେବ । ଯେତେ ବୁଝାଇଲେ ସେ ବୁଝୁନି ଖାଲି କହୁଚି ମୁଁ ଠାକୁରଙ୍କ ପାଖରେ ଚଢ଼େଇ କି ଆଣିଚି । ଏଇଟା ପିନ୍ଧିଲେ ତୋର ଶୁଭ ହେବ । ମାଁ ମାନେ ତ ଇମୋସନାଲ୍ ବ୍ଲାକମେଲ୍ କରିବାରେ ମାହିର । ଶେଷରେ ମାଁ ର କଥା ହିଁ ରହିଲା ଆଉ ସେ ନାଲି ଡ୍ରେସ୍ ପିନ୍ଧି କି ଗଲା ।

               ଅଜଣା ଭୟ ସବୁ ତାକୁ ମାଡି ବସୁ ଥାଆନ୍ତି। ଛାତି ଜୋର୍ ରେ ଧଡ଼ ଧଡ଼ ହେଉଥାଏ । ନିଜର ହୃତସ୍ପନ୍ଦନ ସେ ନିଜେ ଶୁଣି ପାରୁଥାଏ । ମୁହଁ ପୋତି କରିଡ଼ର ରେ ଆଗକୁ ଆଗକୁ ଚାଲିଥାଏ । ରୁମ୍ ନଂ - 16A ରେ ତା'ର କ୍ଲାସ ଅଛି । ହେଲେ ସେ ଯେଉଁ ରୁମ୍ ଆଗ ଦେଇ ଯାଉଛି ସେଇଟା 4C । ତେବେ ତା'ର ରୁମ୍ କୋଉ ଫ୍ଲୋରରେ । କାହାକୁ ପଚାରିବ ?? କ୍ଲାସ ଆରମ୍ଭ ହେବାକୁ ଦଶ ମିନିଟ୍ ଅଛି । ତରତର ହେଇ ଆଗକୁ ବଢିଲା ବେଳକୁ ହଠାତ୍ ସାମ୍ନାରେ ଜଣଙ୍କ ସହ ଧକ୍କା ହେଇଗଲା । ସେ ତା'ର ହାତ ଧରି ସମ୍ଭାଳି ନେଲା । ଝଞ୍ଜା ଧୀରେ ଆଖି ଉଠେଇ ଦେଖିଲା ଆରେ ଇୟେ ତ ଝିଅ ପିଲା ଟେ। ଏତେ ଡେଙ୍ଗା ! ପୁଣି ପୁଅଙ୍କ ପରି ଜିନ୍ସ ଆଉ ଟି-ସାର୍ଟ ସହ ବୟକଟ୍ ଚୁଟି କାଟିଛି । 

       ପୁଅ ପିଲାଙ୍କ ଭଳି ପକେଟ୍ ରେ ହାତ ପୁରେଇ ପଚାରିଲା ନିୟୁ କମର୍ ? କୋଉ ବ୍ରାଞ୍ଚ ? ଏତିକିରେ ଝଞ୍ଜାର ହୋସ୍ ଉଡ଼ିବା ଉପରେ । ଛେପ ଢ଼ୋକି ମୁଣ୍ଡ ହଲେଇଲା ଆଉ ଧୀରେ କହିଲା କଂପ୍ୟୁଟର ସାଇନ୍ସ । ଅସ୍ପଷ୍ଟ ଭାବରେ ପଚାରିଲା ରୁମ୍ ନଂ 16A ଟା କୋଉଠି ?  ହଠାତ୍ ଝଞ୍ଜା କାନ୍ଧରେ ହାତ ପକେଇ କହିଲା ଚାଲ୍ ତୋତେ ଛାଡ଼ି ଦେବି ତୋ କ୍ଲାସ୍ ରେ । ଝଞ୍ଜା ତ ବୁଝି ସାରିଥିଲା । ଏ ତ ସିନିୟର ନିଶ୍ଚୟ । ମୋତେ ନେଇ କୋଉଠି ରାଗିଂ କରିବ ଏବେ । ମାଁ କ'ଣ କହିଥିଲେ ? ଏଇ ଡ୍ରେସ୍ ଟା ଶୁଭ , ନା ଛେନା ଗୁଡ଼ ! ପଶୁ ପଶୁ ଚାଳ ବାଜିଲାଣି । ହେ ପ୍ରଭୁ ରକ୍ଷା କର ! ମୁଁ ଜୟ ! ଫୋର୍ଥ ଇୟର ସେମ୍ ବ୍ରାଞ୍ଚ । ଆଇ ମିନ୍ ମୋ ନାଁ ଜୟଦୀପା । ମୋତେ ସମସ୍ତେ ଜୟ ବୋଲି ଡାକନ୍ତି । ନୋ ଡାଉଟ୍ ତୁ ବହୁତ ସୁନ୍ଦରୀ ! କହି ମୋତେ ଆଉ ଟିକେ ପାଖକୁ ଟାଣିନେଲା । ଯନ୍ତ୍ର ଚାଳିତ ଭଳି ସେ ତା ସହ ଟାଣି ହେଇ ଚାଲିଥାଏ । ତା ପରେ ଗୋଟେ ରୁମ୍ ପାଖରେ ପହଞ୍ଚି କହିଲା ତୋ କ୍ଲାସ୍ ଆସିଗଲା । ମୁଁ ଉପରକୁ ଅନେଇଲି ସତରେ 16A ଲେଖା ହେଇଥିଲା । ସେ ମୋ କାନ୍ଧରୁ ହାତ କାଢି ତା'ର ଦୁଇ ଆଙ୍ଗୁଠି ନିଜ ଆଖି ପାଖକୁ ନେଇ ଏମିତି ଇସାରା କଲା ଯାହାର ଅର୍ଥ ହେଉଛି ଆଜିଠୁ ମୋ ନଜର ତୋ ଉପରେ ରହିଲା । ଆଉ ସେ ସେଇ ଦୁଇ ଆଙ୍ଗୁଠି କୁ ନିଜ ଓଠରେ ଲଗେଇ ଗୋଟେ ଫ୍ଲାଇଙ୍ଗ କିସ୍ ଦେଲା । ଆଉ ଚାଲିଗଲା ।

         କି ! ଅଜବ ଝିଅରେ ବାବା । ଇୟେ ଝିଅ ନା ପୁଅ ? ସେତେବେଳକୁ ଝଞ୍ଜା ର ଦେହ ସାରା ଝାଳ ବୋହି ଯାଇଥାଏ । ଗୋଡ଼ ହାତ ବି ଥରୁ ଥାଏ । ସେ ଯାଇ ପଙ୍ଖା ତଳ ଗୋଟେ ସିଟ୍ ରେ ବସିଗଲା । ବ୍ୟାଗରୁ ପାଣି ବୋତଲ କାଢି ଢକଢକ କରି ଅଧ ବୋତଲେ ପିଇଗଲା । ତା ପାଖ ସିଟ୍ ରେ ଆସି ଗୋଟେ ଝିଅ ବସିଲା । ତାକୁ ଅନେଇ ହସି କହିଲା ହାଇ ! ମୁଁ ଅନିମା ଆଉ ତମେ ? ରୁମାଲରେ ଝାଳ ପୋଛି କହିଲା ହାଇ ! ମୁଁ ଝଞ୍ଜା । ସେ ପୁଣି ହସିକି କହିଲା ଭେରୀ ଇୟୁନିକ୍ ନେମ୍ । ଆଚ୍ଛା ! ତମେ ଜୟକୁ କେମିତି ଜାଣିଲ ? ତମ ରିଲେଟିଭ୍ ? 

ଆରେ ନା ନା ! ମୁଁ ଖାଲି ରୁମ୍ ନଂ ପାଚାରିଥିଲି ତାଙ୍କୁ । ମୋ ପରିଚିତ ନୁହଁନ୍ତି । କାହିଁକି ପଚାରିଲ ? ଓଃ ଆଚ୍ଛା ! ସେ ଆମ ହଷ୍ଟେଲ ରେ ରୁହେ ଭେରି ନୋନ୍ ଫେସ୍ ଆଉ ବ୍ରିଲିଏଣ୍ଟ ଷ୍ଟୁଡେଣ୍ଟ୍ ବି । ହଁ ! ଗୋଟେ ଅଜବ ଝିଅଟେ ସବୁବେଳେ ପୁଅ ପିଲା ଭଳି ସେ ବିହେଭ୍ କରେ । ଏତିକି ଶୁଣିଛି । ଝଞ୍ଜା ପଚାରିଲା ତମେ ତା ହେଲେ ହଷ୍ଟେଲ ରେ ରୁହ ?? ସେ ହଁ ମାରିଲା ।

           କଲେଜ ସାରି ଘରକୁ ଫେରୁ ଫେରୁ ମାଁ କହିଲେ ଆଜି ଦିନ ବହତ ଭଲ ରେ ଗଲା ନା ? ମୁଁ କହୁ ନଥିଲି ନାଲି ଡ୍ରେସ୍ ତୋ ପାଇଁ ଲକି ବୋଲି । ଝଞ୍ଜା ଆଉ କିଛି ନ କହି ମୁଣ୍ଡ ହଲେଇ ଦେଇ ଚାଲିଗଲା । ଥକି ଯାଇଥିଲା ବହୁତ । ହେଲେ ବହୁତ ରାତି ପର୍ଯ୍ୟନ୍ତ ତାକୁ ନିଦ ହେଲା ନାହିଁ । ଖାଲି ଜୟର ସିନ୍ ମୁଣ୍ଡ ରେ ଘୂରି ବୁଲିଲା । ଆରେ ବାବା ! ଯାହା ହେଲେ ବି ସେ ତ ଝିଅ ପିଲା , ମୁଁ କାଇଁ ଏମିତି ହେଉଛି ଯେମିତି ସେ ଗୋଟେ ଟୋକା ଟେ । ହେତ୍ ! ମୋ ମୁଣ୍ଡ ଖରାପ ହେଇଗଲାଣି ନା କ'ଣ ? ମନେ ମନେ କହିଲା ହେଲେ ମାନିବାକୁ ପଡ଼ିବ ଜୟକୁ କୁଚ୍ଛ୍ ତୋ ହଟ୍ଟକେ ହୈ ! ଏକ ଅଲଗା ପ୍ରକାର ବ୍ୟକ୍ତିତ୍ଵ । କେହି ବି ଆଟ୍ରାକ୍ଟ ହେଇ ପାରନ୍ତି ପୁଅ ପିଲା ବି ଆଉ ଝିଅ ପିଲା ବି ( ମନେ ମନେ ହସିଲା )। ହେଲେ ସେ ଏମିତି ଛପ୍ରି ଭଳି ବିହେଭ୍ କାହିଁକି କଲା ଆଜି ତା ସାଙ୍ଗରେ ? ଧେତ୍ ! ଛାଡ ତା କଥା ।

         ତା ପର ଠାରୁ ଝଞ୍ଜା ଭାରି ସତର୍କ ହେଇ କଲେଜ ଯାଏ । ଯେମିତି ଜୟର ହାବୁଡ଼ରେ କେବେ ନ ପଡ଼ିବ ହେଲେ ଯୋଉଠି ଭୟ ସେଇଠି ରାତି ହେବା ସୁନିଶ୍ଚିତ । ସେଇ ନ୍ୟାୟ ରେ ସେ ଜୟ ର ସାମ୍ନାସାମ୍ନି ସବୁ ଦିନ ହୁଏ । ତାକୁ ଲାଗେ ଜୟ ଯେମିତି କଲେଜ ରେ ତା'ର ପିଛା କରୁଛି । ଏଇଟା ଯଦିଓ ସତ ନୁହେଁ ଗୋଟେ କୋଇନ୍ସିଡେନ୍ସ ହେଇପାରେ । ଯେବେ ବି ଦେଖା ହୁଏ କେବେ କିଛି କହେ ନି ସେ ଖାଲି ହସି ଦେଇ ପଳାଏ । ସେତିକି ରେ ଝଞ୍ଜାର ଦେହ ହାତ ଝିମ୍ ଝିମ୍ ହେଇଯାଏ । ଲାଜରେ ମୁହଁ ଲାଲ ହେଇଯାଏ । ହେଃ ପ୍ରଭୁ ! ସେ ତ ଝିଅ ପିଲା ଟା ମୁଁ କାଇଁ ଏମିତି ରିଆକ୍ଟ କରୁଛି ? ସତେ ଯେମିତି ସେ ମୋର ବୟଫ୍ରେଣ୍ଡ ! ତା'ର ଉତ୍ତର ଖୋଜି ପାଏନା ସେ । ଏମିତି ତିନି ଚାରି ମାସ କଟିଗଲା ।          

     ଦିନେ ଜୟ କଲେଜରୁ କୁଆଡେ଼ ଉଭାନ୍ ହେଇଗଲା । ଝଞ୍ଜା ସହ ତା'ର ଭେଟ ହେଲାନି ଆଉ । ସପ୍ତାହେ କଟିଗଲା । ଝଞ୍ଜା କୁ ବ୍ୟତିବ୍ୟସ୍ତ କରି ପକାଉ ଥିଲା ତା'ର ଆବସେନ୍ସ । ସେ ସାହାସ କରି ଦିନେ ଅନିମା କୁ ପଚାରିଲା , ଜୟ କାହିଁକି ଆଉ କଲେଜ ରେ ଦେଖା ଯାଉନି ? କୁଆଡେ଼ ଯାଇଛି କି ନା ତା ଦେହ ଭଲ ନାହିଁ ? ଅନିମା ଥଟ୍ଟା କରି କହିଲା କାଇଁ କ'ଣ କାମ ଥିଲା କି ତା ପାଖରେ ? ସେ ଗୋଟେ ବଡ଼ କମ୍ପାନୀ ରେ ତିନିମାସ ପାଇଁ ଇଣ୍ଟର୍ନସିପ୍ କରିବାକୁ ଫରେନ୍ ଯାଇଛି । ମେ ବି ସେଠି ତାକୁ ଜବ୍ ଅଫର୍ ବି ମିଳି ଯାଇପାରେ । ଯାହା ସିନିୟର୍ ମାନେ କଥା ହେବାର ମୁଁ ହଷ୍ଟେଲରେ ଶୁଣିଛି । ଓହୋଃ ! ଏଇଟା ତ ବହୁତ ଭଲ ଖବର ଝଞ୍ଜା ହସି କି କହିଲା।

                ତା ପର ଠାରୁ ଝଞ୍ଜା ନିଜ ପାଠପଢ଼ାରେ ମଜ୍ଜିଗଲା । ସେ ବି ସେମିଷ୍ଟର ରେ ଟପ୍ କରିବାକୁ ଚାହୁଁଥିଲା। ଆଉ ହେଲା ବି । ବ୍ୟସ୍ତତା ଭିତରେ ଜୟ କଥା ସେ ପୂରାପୁରି ଭୂଲି ଯାଇଥିଲା କହିଲେ ଚଳେ । ହଠାତ୍ ଦିନେ ଜୟ ଆସି ତା ଆଗରେ ଠିଆ ହେଇଗଲା ଆଉ ତା ହାତ ଧରି କ୍ୟାଣ୍ଟିନ୍ ପଛ ପାଖ ବରଗଛ ପାଖକୁ ଟାଣି ଟାଣି ନେଇ ଯାଇଥିଲା । ସେଠି ଝଞ୍ଜାର ମୁହଁ ରେ ଆଙ୍କି ଦେଇଥିଲା ଅନେକ ଚୁମ୍ବନ । ୟେ କଥା ଝଞ୍ଜା ସ୍ୱପ୍ନ ରେ ସୁଦ୍ଧା ଭାବି ନଥିଲା । ହେଲେ ତା'ର ଦେହ ସାରା ଖେଳି ଯାଇଥିଲା ଅପୂର୍ବ ଶିହରଣ । ଆଉ ଜୟ ଯେମିତି ଖୁସିରେ ବିଭୋର ହେଇ ଯାଇଥିଲା । ମୁଁ ଆଜି ବହୁତ ବହୁତ ଖୁସି , ଗୁଗଲ୍ ରେ ମୋ ଜବ୍ ହେଇ ଯାଇଛି । USA ରେ ପୋଷ୍ଟିଂ 40LPA । ତୋର ଆଉ କ'ଣ ଦରକାର କହ ? 

ସେଇ ସମୟରେ ଝଞ୍ଜା କ'ଣ କରିବ କିଛି ବୁଝି ପାରିଲାନି ହସିବ ନା କାନ୍ଦିବ ନା ରାଗିବ ?ଷଗଛ ମୂଳରେ ବସି ପଡ଼ି ଆସ୍ତେ କରି ପଚାରିଲା , ଆର ଇୟୁ ଲେସବୋ ? ଆଇ ମିନ୍ ନୋ ନିଡ୍ ଟୁ କରେକ୍ଟ ୟୋର ୱର୍ଡ । ଇୟେସ୍ ଆଇ ଆମ୍ ଏଣ୍ଡ ଆଇ ଲଭ୍ ଇୟୁ । ହ୍ୱଟ୍ ଏବାୟୁଟ୍ ଇୟୁ ? ଡୁ ଇୟୁ ?

ମେ ବି ! ଆଇ ଆଇ ଡୋଣ୍ଟ ନୋ । ମୋ ବାପା ମା ଜାଣିଲେ ମୋତେ ଘରୁ ତଡ଼ି ଦେବେ । ଆଉ କେବେ ବି ମୋ ମୁହଁ ଚାହିଁ ନପାରନ୍ତି । ଏଇଟା ଏଇଟା ଆଦୌ ଠିକ୍ ନୁହଁ । ୟେ ସମାଜ କ'ଣ କହିବ ?

              ଆରେ ୟାର ! ମେଁ ହୁଁ ନା କହି ବହୁତ ଜୋର୍ ରେ ସେ ତାକୁ ନିଜ ଛାତିରେ ଚାପି ଧରିଥିଲା । ସମୟ ସହ ବହୁତ କିଛି ବଦଳି ଥାଏ। ସମାଜ ବି ଆଉ ତା'ର ପ୍ରଥା ବି । ଧୀରେ ଧୀରେ ତାକୁ ଗ୍ରହଣ କରି ମଣିଷ ଆଗକୁ ବଢେ । ଭଲ ପାଇବା ଟା କିନ୍ତୁ ଚିନ୍ତନ ଥିଲା ଅଛି ଆଉ ରହିବ । ସେଥିରେ କିଛି କିଛି ନୂତନତା ଯୋଡ଼ି ହେଇ ଯାଇପାରେ । ମୁଁ କ'ଣ ତୋତେ ଆଜି ଟେକି ନେଉଛି କି ? ଆମ ହାତରେ ଆହୁରି ତିନି ଚାରି ବର୍ଷ ଅଛି । ତୋର ବି ତ କ୍ୟାରିୟର ବନେଇବା ର ଅଛି କି ନା କହି ଜୟ ଜୋର୍ ରେ ହସିଲା । ଝଞ୍ଜା ଆକାଶ କୁ ଅନେଇଲା ବହୁତ ଉଚ୍ଚରେ କେତେ ଗୁଡିଏ ଚିଲ ଉଡୁଥିଲେ । ବହୁତ ଛୋଟ ଗୋଟେ ଗୋଟେ ବିନ୍ଦୁ ଭଳି ଦେଖା ଯାଉଥିଲେ । ଆଜି ମୋ ଫ୍ରେଣ୍ଡସ୍ ଟ୍ରିଟ୍ ମାଗିଛନ୍ତି ତୁ ବି ଚାଲ , ସେମାନଙ୍କ ସହ ତୋତେ ଇଣ୍ଟ୍ରୋଡ୍ୟୁସ୍ କରେଇବି । ତା ହାତ ଧରି ଆଗକୁ ଚାଲିଲା ଝଞ୍ଜା ମୁହଁରେ ଅସ୍ତ ସୂର୍ଯ୍ୟର ସୁନେଲି ଆଲୁଅ ପଡି ଚିକ୍ ଚିକ୍ ଦିଶୁଥିଲା ।                 


Rate this content
Log in

More oriya story from Lipi Sahoo

Similar oriya story from Drama