କିଛି ଅକୁହା

ଜୀବନରେ ଅନେକ ମୋଡ଼ । ଏହି ମୋଡ଼ ଭିତରେ କେତେ ଆସନ୍ତି ଆଉ କେତେ ଯାଆନ୍ତି ...। କେହି ମନେ ରୁହନ୍ତି ଆଉ କେତେ ମନେ ରୁହନ୍ତିନି । ଆଉ କିଛି ହୃଦୟର ଗଭୀର ତମ ସ୍ଥାନରେ ରହିଯା'ନ୍ତି ଚିର ଦିନ ପାଇଁ । ସେ କିଛି ଅକୁହା ଆଉ କିଛି କୁହା ...। ମନ ଭିତରେ ଅନେକ କଥା ଅଛି । କିଛି କହି ହୁଏ, ଆଉ କିଛି କାହା ଆଗରେ କହି ହୁଏ ନାହିଁ । ତଥାପି କହିଦେଲେ ମନ ହାଲ୍କା ହେଇଯାଏ ବୋଲି ଶୁଣିଛି, ତେଣୁ ଆଜି ମୁଁ ମୋର କିଛି ଅକୁହା ଅତୀତର କଥା କହି ଦେଉଛି । ଯାହା ମୋ ଜୀବନରେ ଘଟି ସାରିଛି । ମୋ ନାଁ ....। ହଁ ଆପଣ ଜାଣିଥିବେ ପରା...ଆଉ କ'ଣ କହିବି ...? 

  ଯେବେ ମୁଁ ଦଶମରେ ପଢୁଥାଏ ସେବେ ମୋର ଗୋଟିଏ ଅଭ୍ୟାସ ଥିଲା ଯେ, ମୋ ଉପରେ ଯିଏ ଭଲ ପାଠ ପଢୁଥିବେ ତାକୁ ମୁଁ ଦେଖେ । ସେ କେମିତି ପଢୁଛି ଆଉ କେମିତି ବ୍ୟବହାର କରୁଛି ତାକୁ ଦେଖେ ଆଉ ତା' ବିଷୟରେ କିଛି ନୋଟ କରେ । ଏମିତି କରୁ କରୁ ଏଗାର ଜଣ ଙ୍କର ବିଷୟରେ ତଥ୍ୟ ପାଇଲା ପରେ, ଆଉ ମାତ୍ର ଜଣଙ୍କର ତଥ୍ୟ ପାଇଲିନି । ମୁଁ ତେର ନମ୍ବରରେ ଥିଲା ବେଳେ ସେ ପିଲାଟି ବାଆରରେ ଥିଲା । 

  ଆରେ ତା' ନାଁ ବି ପାଇଲିନି ଆଉ ତା' ଠିକଣା କ'ଣ ପାଇବି ? ସେ କୋଉ ଶଇଳିରେ ପଢୁଛି ମୁଁ କେମିତି ଜାଣିବି ? 

 ଏମିତି ଭାବୁ ଭାବୁ ସାର୍ ଆସିଲେ ପଢେଇବାକୁ ।

ଉପସ୍ଥାପନା ପକେଇଲେ । ମୁଁ ଖାଲି ଦେଖୁଥାଏ କିଏ ସେ ବାଆର ରୋଲ ନଂ ପିଲା ...?

  କିଛି ଦିନ ବିତିଗଲା ହେଲେ ତାକୁ ମୁଁ ପାଇଲିନି...। ଜାଣିଲି ସେ ସବୁଦିନ ପଢିବାକୁ ଆସେନି । ଥରେ ହଟାତ୍ ମୁଁ ଶୁଣିଲି ଯେ, ରୋଲ ନଂ ବାଆର ...କେହି ଜଣେ ପୁଅ ଧୀର ସ୍ୱରରେ କହିଲା, ୟେ ସ୍ ସାର୍ !

   ମୁଁ ତାକୁ ଦେଖିଲି ଯେ ସେ ଜଣେ ଶ୍ୟାମଳ ରଙ୍ଗର ଗୋଟେ ସୁନ୍ଦର ଯୁବକଟେ । ବେଶ୍ ଗମ୍ଭିରିଆ ମୁହଁ ଟିଏ

। ମୁଁ ଥରେ ନୁହେଁ ତା' ବିଷୟରେ ଗବେଷଣା କରିବା ପାଇଁ ଅନେକ ଥର ଚାହିଁଲି । ଅନେକ ପୁଅ ଆଉ ଝିଅ ପିଲାଙ୍କୁ ଗବେଷଣା କରିଛି । ହେଲେ ଏ ଥିଲା ଟିକେ ଭିନ୍ନ...। ଟିକେ ଅଲଗା ...ହେଲେ ଭାରି ଭଲ ....। ମୁଁ ଏକ ପ୍ରଶ୍ନ ବାଚୀ ନଜରରେ ଟିକେ ଟିକେ ଅନେଇ ଦିଏ । 

ଆହୁରି ଅନେକ ପିଲାଙ୍କୁ ବି ଗବେଷଣାରେ ଅନେଇବାକୁ ହେବ । ପୁଣି ତାଙ୍କର ପଢ଼ା ଶଇଳିକୁ ଟିକେ ଦେଖିବାକୁ ହେବ । ଆଉ ମୁଁ ବି ପଢିବି ନା ନାଇଁ ତାଙ୍କୁ ଦେଖି ...।  ହେଲେ ମୁଁ ଥରେ ଅନୁଭବ କଲି ଯେ କେହି ମତେ ଚାହୁଁଛି...। ଆରେ ଏ ତ ସେଇ । ଯାହା ବିଷୟରେ ମୁଁ ଗବେଷଣା କରୁଛି ...। ହଁ ସେ ....

  ପଛରୁ ଜଣେ କେହି କହିଲା, ଶୁଭେନ୍ଦୁ ....! ଓଃ ତେବେ ଏ ରୋଲ ନଂ ବାଆରର ନାମ । ଦିନକର ଘଟଣା ମୁଁ ବସି ବହି ପଢୁଥାଏ । ସେ ସେପଟୁ ଆସିଲା ଆଉ ଏକ ଭାବ ପୂର୍ଣ୍ଣ ଚାହାଁଣିରେ ଚାହିଁ ଗଲା ...। ଅବେଳରେ ମନ ଭିତରେ ଗୋଟେ ଝଡ଼ ବୋହି ଚାଲିଗଲା ଅନେକ ଦୂର କୁ ....। ଅଜବ ଅନୁଭବ ହେବାକୁ ଲାଗିଲା...। କ'ଣ ହେଉଛି ମୁଁ ଜାଣି ପାରିଲିନି ?  

  ତଥାପି ସେ ଚାହିଁଲେ ମତେ ଭାରି ଭଲ ଲାଗେ...।

ମୁଁ ସେତେ ଭଲ ପଢୁ ନ ଥାଏ । ତଥାପି ଚେଷ୍ଟା ଜାରି ଥାଏ । ବହି କୁ ଭଲ ପାଇବାକୁ ଲାଗୁଥାଏ । ପାଠକୁ ଆୟତ୍ତ କରିବାକୁ ଲାଗୁ ଥାଏ । ଏ ଚେଷ୍ଟାରେ ଶୁଭେନ୍ଦୁର ପାଠ ପଢ଼ା ଶଇଳି ଗୋଟିଏ ପ୍ରେରଣା ସାଜିଲା ମୋ ପାଇଁ । ସେ ଗୁମ୍ ସୁମ ପାଠ ପଢ଼ା ମତେ ବହୁତ ଭଲ ଲାଗିଲା । ମୁଁ ଚୁପଚାପ ପଢିବାକୁ ଲାଗିଲି । ଆଉ ଭଲ ମାର୍କ ରଖି ପାଶ୍ ବି କଲି ।  

  ପ୍ରକୃତରେ ସେ ମୋ ପ୍ରେରଣା । ସେ ବି ଭଲ ରେଜଲ୍ଟ କରିଥିଲା । ଗୋଟିଏ କଲେଜରେ ପଢିଲୁ । ଆଉ ଆଜି ବି ସେ ମତେ ସେମିତି ଚାହେଁ ଏକ ଭାବ ପୂର୍ଣ୍ଣ ଚାହାଁଣିରେ । 

ନା କେବେ କଥା ହୁଏ, ନା କେବେ ମୋ ପାଖକୁ ଆସେ ....। ସେଇ ଦୂରରୁ ସବୁ । 

 ପଢ଼ା ଚାଲେ ଆଉ ସେ ଅନିଆ ଅନି ବି ଚାଲେ ...

ପଢ଼ାରେ କେବେ ଅବହେଳା ନାହିଁ ....

କେଜାଣି ଈଶ୍ୱରଙ୍କ ଆଶିଷରୁ କ'ଣ ହେବ ଆମ ଜୀବନରେ ....