ଭାବରେ ଭଗବାନ
ଭାବରେ ଭଗବାନ
ମୋ ଭାବନା ଏବଂ ମୋ ଭଗବାନ ବେଳେ ବେଳେ
ସ୍ୱପ୍ନରେ ସାକ୍ଷାତ ହୋଇଯାନ୍ତି
ମୁଁ ଭାବବିହ୍ୱଳ ହୋଇ କାନ୍ଦି ପକାଏ ଜୀବନର
ଦୁଃଖ ସୁଖ କୁ ଅଜାଡି ଦିଏ ତାଙ୍କ ପାଦ ତଳେ
ମୁଁ ହୃଦୟରୁ ଜଣାଏ ହେ ଭଗବାନ ଯାହା ବି ଦେଉଛ
ମୋତେ ଧୈର୍ଯ୍ୟର ସହ ପରୀକ୍ଷାରେ ଉପସ୍ଥିତି କରାଅ
ଯେମିତି ତୁମ ନାମ ରହୁ ସଦା ମୋ ଜିହ୍ୱାରେ
ତୁମେ ମୋ ବନ୍ଧୁ ତୁମେ ମୋ ମାତା ପିତା
ତୁମ ବିନା ମୋ ଜୀବନ ନୁହେଁ ଗତିଶୀଳ
ମୋ ଭାବର ସମ୍ପର୍କ ରହୁ ସଦା ତୁମ ପାଖେ
ତୁମ ସାଗରରୁ ବୁନ୍ଦାଏ ପାଣି ମୋ ଶୋଷର ତୃଷା
ମେଣ୍ଟି ଯାଉ ପ୍ରଭୁ
ତୁମ ପ୍ରେମରୁ ଝରୁଥାଉ ମୋ ପାଇଁ ଆଶୀର୍ବାଦ ଉପହାର
ମୁଁ ଅଣୁ ମାତ୍ର ପ୍ରଭୁ ତୁମ ବିଶାଳ ହୃଦୟ ନେଇ
କରିଦିଅ ମୋତେ କ୍ଷମା
ମୋ ଜାଣ ଅଜାଣତରେ କାହା ପ୍ରତି ନ ରହୁ
ମନରେ ଆବିଳତା
ଏତିକି ମାଗୁଣି ମୋର ତୁମେ ମୋ ଭାବର
ପ୍ରେମ ଭକ୍ତିରେ ସଦା ବିଦ୍ୟମାନ ରୁହ ପ୍ରଭୁ