ଯୁଗେ ଯୁଗେ କୈକେୟୀ
ଯୁଗେ ଯୁଗେ କୈକେୟୀ
ନୁହେଁ ରାମାୟଣ ନୁହେଁ ଭାଗବତ
ନୁହେଁ ଏ ପୁରାଣ କଥା
ଯୁଗେ ଯୁଗେ ପରା କୈକେୟୀ ବଞ୍ଚିଛି
ଟୁଙ୍ଗାରି ନିଜର ମଥା ।
କୁଟ ଓ କପଟ ମନ୍ତ୍ରଣା କରିଲା
କୁତ୍ସିତ ମନ୍ଥରା ନାରୀ
ନିର୍ବୋଧ ପରାୟେ କୈକେୟୀ ମାତା
ପୁତ୍ର ହାତେ ଦେଲା ବରି ।
ନିର୍ଦୋଷେ ରାମ ଗଲେ ଘୋର ବନ
ସାଥେ ଲକ୍ଷ୍ମଣ ସୀତା
ଭାବେ ଭାବ ରଖି ନ ପାରେ ସଳଖି
ବୃଦ୍ଧ ଦଶରଥ ପିତା ।
କିଏ ସେ ବୁଝିଲା ଅଯୋଧ୍ୟା ରାଜ୍ୟେ
ସବୁ କଲେ ମଥା ନତ
ମିଥ୍ୟାକୁ ଆବୋରି କୁତ୍ସିତ ନାରୀ
ଖୁସି ହୁଏ ଶତ ଶତ ।
ଯାଇଛି ଯେ ବନ ଫେରିବ ସେଦିନ
ଅପେକ୍ଷା ସେହି ସକାଶେ
କୁତ୍ସିତ ମୁହଁ ତା କଳୁଷିତ ହେବ
ଶାନ୍ତି ଫେରିବ ଦେଶେ ।