ଯୋଡାଏ ଆଖି
ଯୋଡାଏ ଆଖି
1 min
198
ଯୋଡ଼ାଏ ଆଖି ତୋ ସୂରୁଯ ଚନ୍ଦର
ଆଲୋକିତ କରୁ ସାରା ଦୁନିଆ,
ତୋହରି ଇଙ୍ଗିତେ ଏ ସଂସାର ଚଳେ
ମାୟାରେ କରୁ ତୁ ସଭିଙ୍କୁ ବାୟା ।
ହାତ ନ ଥାଇବି ମହାଦାନୀ ତୁହି
ମହାବାହୁ ବୋଲି ପଡଇ ଡକା,
ବିନା ପୟରରେ ଏ ବ୍ରହ୍ମାଣ୍ଡ ଭ୍ରମୁ
କୋଶ ଦୂରୁ କରୁ ଭକତ ରକ୍ଷା ।
ଧରମ ନିକିତି ରଖିଅଛୁ ପାଶେ
ହିସାବ କରୁ ତୁ ପାପ ଓ ପୁଣ୍ୟ,
ଦୋଷୀ ପାଇଥାଏ କରମର ଦଣ୍ଡ
ନିର୍ଦୋଷ ଜୀବନ ହୁଅଇ ଧନ୍ୟ ।
ଭାବ ଭକତିରେ ହେଉ ତୁ ବିହ୍ଵଳ
ଭକତ ପାଶେ ତୋ ଜୀବନ ବନ୍ଧା,
ତୋର ଦୟାବଳେ ପୂର୍ଣ୍ଣ ହୁଏ କର୍ମ
ଦୂରିଭୁତ ହୁଏ ସବୁରି ବାଧା ।
ପତିତପାବନ ବାନା ଉଡୁଅଛି
ଭକତ ଗହଳ ଲାଗଇ ନିତି,
ଏତିକି ସୁଦୟା କରୁଥିବୁ ଜଗା
ଶ୍ରୀଚରଣେ ସଦା ରହୁ ମୋ ମତି ।